Májilis jer qatynastaryn retteýge baǵyttalǵan zań jobasy boıynsha kelisim komıssııasynyń usynystaryn qabyldady
ANA. 8 maýsym. QazAqparat /Qanat Mámetqazyuly/ -Búgin QR Parlamenti Májilisiniń jalpy otyrysynda palata depýtattary «QR keıbir zańnamalyq aktilerine jer qatynastaryn retteý máseleleri boıynsha
ózgerister men tolyqtyrýlar engizý týraly» zań jobasy boıynsha kelisim komıssııasynyń usynystaryn talqylady. Nátıjesinde palata depýtattary komıssııa sheshimin qoldap, zań jobasyn qabyldady.
Esterińizge sala keteıik, atalǵan zań jobasyna Májilis depýtattary bastamashylyq jasaǵan bolatyn. Qujat jer zańnamasyn jetildirýge, Jer kodeksiniń jekelegen erejelerindegi qaıshylyqtar men árkelkilikterdi joıýǵa baǵyttalǵan. Sonymen qatar zań jobasy «Nur Otan» HDP janyndaǵy Sybaılas jemqorlyqqa qarsy kúres jónindegi respýblıkalyq keńestiń sheshimderin oryndaý maqsatynda ázirlengen bolatyn. Zań jobasynda jerdi rezervke qaldyrýǵa baılanysty qatynastar boıynsha quqyqtyq retteýdegi olqylyqtardy joıý maqsatynda Jer kodeksi jańa bappen tolyqtyrylady. Onda jerdi rezervte qaldyrýdyń negizderi, tártibi jáne merzimderi aıqyndalyp, jergilikti atqarýshy organdardyń osy másele boıynsha quzyreti naqtylanǵan. ıAǵnı, jerdi rezervke alýǵa jergilikti organdarǵa quqyq beriledi. Budan bólek, naryqtyq tetikter eskerilip, eldi mekender aýmaqtaryn baǵalaı otyryp, jerdi aımaqtarǵa bólý máseleleri retke keltirilmek. Buǵan sáıkes, jer ýchaskelerin eldi mekenderde jekemenshikke berý kezindegi olar úshin tólemaqynyń bazalyq stavkalaryn belgileý máseleleri oblystyq, Astana jáne Almaty qalalarynyń ókildi jáne atqarýshy organdarynyń quzyretine jatqyzylady. Qoldanystaǵy zań jobasy boıynsha ondaı stavkalar tek qana Úkimet qaýlysymen bekitilip kelgen edi.
Al aýyl sharýashylyǵy maqsatyna arnalǵan jer ýchaskelerin sheteldikter men azamattyǵy joq adamdarǵa jalǵa berý máselesi boıynsha birqatar shekteýler engiziledi. Sonymen qatar, sheteldikterge qoıylatyn dál osyndaı shekteýlerdi jarǵylyq kapıtalyndaǵy sheteldikterdiń, azamattyǵy joq adamdardyń, sheteldik zańdy tulǵalardyń úlesi 50 paıyzdan asatyn qazaqstandyq zańdy tulǵalarǵa da qoldaný belgilenip otyr. ıAǵnı, endigi kúni sheteldikterge jer berý máselesi qatań qadaǵalanady. Budan bólek, zań jobasynda Almaty qalasynda ortaq paıdalaný jerlerinde, kóshe jıekterinde aqyly avtoturaqtardy salý máselelerin uıymdastyrý normalary engizilgen. Senat atalǵan zań jobasyna qatysty 4 túzetý engizgen edi. Osyǵan oraı, kelisim komıssııasy osy túzetýler boıynsha birlesken redaktsııadaǵy normany qabyldady.
