Májilis «Jeke basty kýálandyratyn qujattar týraly» Zańnyń jobasyn birinshi oqylymda maquldady

«Zań jobasynyń maqsaty - jeke basty kýálandyratyn qujatty rásimdeý, berý, aýystyrý, ótkizý, alyp qoıý jáne joıý talaptaryn belgileý», - dep atap ótti zań jobasyn tanystyrǵan QR Іshki ister mınıstri Qalmuhambet Qasymov.

Zań jobasy elimizdegi jeke basty kýálandyratyn qujattardyń quqyqtyq negizin aıqyndaýdy kózdeıdi. Sonymen qatar, zań jobasynda jeke basty kýálandyratyn sıpattaǵy qujatqa anyqtama biregeılendiriledi. Budan bólek, jeke basty kýálandyratyn qujattar túrleriniń tutastaı tizbeleri anyqtalady. Qujattandyrý salasyndaǵy ýákiletti memlekettik organnyń quzyreti aıqyndalady. Atap aıtqanda, zań jobasy boıynsha azamattyq quqyq­tyq kelisimderdi jasaıtyn Qazaqstan azamatynyń tólqujaty men jeke kýá­ligi, sheteldiktiń turýǵa quqyq be­retin jáne respýblıkada turaqty tu­ratyn azamattyǵy joq azamattyń je­ke kýáligi, sheteldik azamattyń shekaralyq tólqujaty sekildi qujat­tar­dyń tizimi aıqyndalyp otyr. Elimizdiń  qu­zyr­ly oryndary bergen bul qu­jattar memlekettiń menshigi bolyp zań júzinde bekitilmek. Sonymen qatar, olardy berý já­ne jaramsyz dep tanýdyń negizderi dáıekteldi.

Tólqujat pen jeke kýálikti daıyndaý merzimi 30 kúnnen aspaıtyn bolady.

Májilis birinshi oqylymda sondaı-aq «Jeke basty kýálandyratyn qujattar týraly QR-nyń keıbir zańnamalyq aktilerine ózgerister men tolyqtyrýlar engizý týraly» ilespe zań jobasyn maquldady.