Májilis jazǵy sessııada atqaratyn negizgi sharalar josparyn bekitti
ASTANA. QazAqparat - Búgin Parlament Májilisiniń Tóraǵasy Baqtyqoja Іzmuhambetovtyń jetekshiligimen ótken palatanyń alǵashqy jalpy otyrysynda depýtattar altynshy saılanǵan Parlament Májilisi depýtattarynyń ókilettikterin iske asyrýdyń birinshi sessııasyna arnalǵan negizgi is-sharalar josparyn bekitti.
Májilis tóraǵasynyń orynbasary Gúlmıra Isimbaevanyń aıtýynsha, sharalar jospary negizinen QR Prezıdenti Nursultan Nazarbaevtyń «100 naqty qadam» Ult josparyn júzege asyrý máselelerin eskere otyryp ázirlengen. Sonymen qatar, jospar Májilistiń turaqty komıtetterinde, palata Bıýrosynda maquldanǵan.
«Aldaǵy sharalar jospary aǵymdaǵy sessııa barysynda atqarylatyn ózekti mindetterden týyndaıtyn mańyzdy sharalardy qamtyp otyr», - dedi G. Isimbaeva.
Onyń sózine qaraǵanda, jospar Májilistiń ár túrli qyzmet baǵytyn qamtıtyn 8 bólimnen turady. Sonymen qatar, depýtattar jazǵy sessııa aıaqtalǵansha parlamenttik qyzmettiń ózekti máseleleri boıynsha 4 úkimettik saǵat, komıtetterdiń bes kóshpeli otyrysyn ótkizýdi josparlaıdy. «Azamattyq sektor qaýymdastyǵy ókilderin keńinen qatystyra otyryp, Parlamentke kelip túsetin zań jobasyn tııanaqty talqylaý maqsatynda 7 dóńgelek ústel otyrysyn ótkizý kózdeledi», - dedi vıtse-spıker.
Bunymen qosa, Májilis depýtattarynyń halyqaralyq jáne halyqaralyq parlamenttik qyzmetteri jeke keste boıynsha júzege asyrylady.
