Májilis jastardyń áleýmettik-ekonomıkalyq quqyǵyn qamtamasyz etetin qujatty qaraıdy

NUR-SULTAN. QazAqparat – Parlament Májilisi «Qazaqstan Respýblıkasynyń keıbir zańnamalyq aktilerine memlekettik jastar saıasaty máseleleri boıynsha ózgerister men tolyqtyrýlar engizý týraly» zań jobasyn qaraıdy, dep habarlaıdy QazAqparat tilshisi.

«Atalǵan zań jobasy memlekettik jastar saıasaty salasyndaǵy qoǵamdyq qatynastardy tıimdi retteýge baǵyttalǵan. Zań jobasynyń erejeleri jastardyń áleýmettik-ekonomıkalyq quqyqtaryn qamtamasyz etý, bilim berý, jumysqa ornalasý, medıtsınalyq qyzmet kórsetý, tsıfrlyq saýattylyqty arttyrý jáne jastar arasynda volonterlik qyzmetti damytý mehanızmderin retteıdi», - dedi depýtat Jámılá Nurmanbetova Májilistiń jalpy otyrysynda.

Osy oraıda ol Májilistiń Áleýmettik-mádenı damý komıteti qujat boıynsha qorytyndyny 2022 jylǵy 28 jeltoqsanyna deıin ázirleýge daıyn ekenin aıtty.