Májilis janyndaǵy Qoǵamdyq Palata Elbasy Joldaýyn zańnamalyq qamtamasyz etý máselesin talqylaıdy
ASTANA. Aqpannyń 17-si. QazAqparat - Aqpannyń 19-y, juma kúni, Astanada QR Parlamenti Májilisi janyndaǵy Qoǵamdyq Palatanyń kezekti otyrysy ótetini josparlanyp otyr.
Otyrysqa QR Parlamenti Májilisi Tóraǵasynyń orynbasary, Qoǵamdyq Palatanyń tóraǵasy Sergeı Dıachenko jetekshilik etedi, dep habarlaıdy QazAqparat.
Kún tártibine Qazaqstan Prezıdenti Nursultan Nazarbaevtyń «Jańa onjyldyq - jańa ekonomıkalyq órleý - Qazaqstannyń jańa múmkindikteri» atty halyqqa arnaǵan Joldaýyn zańnamalyq qamtamasyz etýdegi Qoǵamdyq Palatanyń róli máselesi engizilip otyr. Sol sekildi ózin-ózi qamtýshy turǵyndardyń jaǵdaıyn zań jolymen retteý taqyrybynda ótken dóńgelek ústeldiń qorytyndysy jóninde Qoǵamdyq Palatanyń múshesi V.Kosarevtiń málimeti tyńdalady.
«Quqyq qorǵaý júıesin reformalaý jáne onyń odan ári izgilenýi» taqyrybynda Qoǵamdyq Palata tóraǵasynyń orynbasary Maqsut Nárikbaevtyń, «Densaýlyq saqtaý salasynyń jaqsarýy - ómir súrý sapasynyń artýy» taqyryby boıynsha Densaýlyq saqtaý mınıstri, Qoǵamdyq Palatanyń múshesi, áleýmettik-mádenı damý jónindegi sektsııanyń jetekshisi Jaqsylyq Dosqalıevtiń sóz sóıleıtini josparlanýda.
Qoǵamdyq Palatanyń múshesi, qarjy-ekonomıkalyq reforma jáne aımaqtyq damý sektsııasynyń jetekshisi, ekonomıka ǵylymdarynyń doktory Orazaly Sábden «Ekonomıkany ártaraptandyrý - tabysqa jetýdiń kilti», sondaı-aq Qoǵamdyq Palatanyń múshesi, demokratııalandyrý jáne azamattyq qoǵamdy damytý máseleleri jónindegi sektsııanyń jetekshisi Altynshash Jaǵanova «Іshki saıası turaqtylyq - 2020 Strategııalyq jospardy júzege asyrýdyń senimdi irgetasy» taqyryptary negizinde baıandama jasaıdy.
Otyrystyń baǵdarlamasyna sáıkes Qoǵamdyq Palatanyń múshesi, ekologııa, aýyl sharýashylyǵy jónindegi sektsııanyń jetekshisi Mels Eleýsizovtiń «Klımattyń jahandyq ózgerýi jaǵdaıyndaǵy eldiń turaqty damýyndaǵy aýyl sharýashylyǵynyń róli» taqyryby boıynsha sóz sóıleıtini belgilenip otyr.
Otyrysqa Qoǵamdyq Palatanyń músheleri, Parlament Májilisiniń depýtattary, memlekettik organdar men úkimettik emes uıymdardyń ókilderi qatysady.
Osy otyrystaǵy pikirtalastar men talqylaýlar ótip, usynystar qabyldaǵannan keıin Qoǵamdyq Palatanyń múshesi Orazaly Sábdenniń «Ekonomıka» atty 10 tomdyq tańdaýly eńbekteriniń tanystyrylymy ótetini kózdelip otyr.
