Májilis janynan Qoǵamdyq palata quryldy
Atalǵan Palatanyń maqsaty men mindetteri týraly Májilis depýtaty Erlan Saırov baıandama jasady.
«Qurylǵaly otyrǵan Qoǵamdyq palata Ulttyq quryltaı formatyn tvorchestvolyq turǵyda damyta otyryp, Májilis pen azamattyq qoǵam ókilderi, sarapshylar qaýymdastyǵy arasyndaǵy baılanystardy júıeli túrde nyǵaıtýǵa serpin beredi.
Palata aıasynda qoǵam ókilderi zań jobalaryn qarap, qoǵamdyq saraptama jasaý arqyly qoǵamdaǵy ózekti máselelerge táýelsiz, obektıvti paıymdaryn aıtady», - dedi Erlan Saırov.
Onyń sózine qaraǵanda Palata rotatsııa prıntsıpi boıynsha jumys atqaryp, músheleri júıeli túrde ózgerip turatyn bolady.
«ıAǵnı Palata músheligine parlamenttik jáne parlamenttik emes partııa músheleri, elimizdegi parlamentarızm máselesimen tereń aınalysyp júrgen azamattar, qoǵam belsendileri, ár-túrli saladaǵy sarapshylar, saıasattanýshylar múshe bola alady», - dedi depýtat.
Májilis tóraǵasy Erlan Qoshanov atalǵan Qoǵamdyq palatanyń jumysyn tikeleı ózi qadaǵalaıtynyn atap ótti.
«Meniń oıymsha búgin óte durys sheshim qabyldanyp, Qoǵamdyq Palata quryldy. Endi onyń qashan jumys bastaıtynyny, kúzde álde jazda bastalatynyn qosymsha aqyldasamyz. Árbir depýtat osyǵan belsene qatysý kerek. Onyń múshesi bolý mindetti emes. Biraq kez kelgen zań jobasy boıynsha aıtar pikirińiz bolsa, árbir depýtat oǵan qatysýǵa múmkindikteri bolady. Bul jumysty men ózim tikeleı qadaǵalaımyn», - dedi Májilis spıkeri.
Aıta keteıik, Májilis tóraǵasy Erlan Qoshanov Ulytaýda ótken Ulttyq quryltaıda palata janynan ártúrli ustanymy bar saıası uıymdar ókilderin, sarapshylar men qoǵam belsendilerin qatystyratyn Qoǵamdyq palata qurý týraly usynys aıtqan