Májilis jáne máslıhat depýtattary saılaýynda 10 myńǵa jýyq saılaý ýchaskesi jumys isteıdi
ASTANA. QazAqparat - QR Parlamenti Májilisi jáne barlyq deńgeıdegi máslıhat depýtattary saılaýynda 9840 saılaý ýchaskesi jumys isteıtin bolady. Bul týraly búgin elimizdiń saıası partııalary ókilderine arnalǵan semınar barysynda QR Ortalyq saılaý komıssııasynyń tóraǵasy Vladımır Foos málim etti.
«Qazirgi ýaqytta senimdi ókilderdi tirkeý júrgizilýde. Ózderińiz de biletindeı, zańǵa sáıkes olardyń sany árbir saılaý ýchaskesinde 3 adamnan aspaýy qajet. Bizde 9840 saılaý ýchaskesi bar. Tirkeý senimdi ókilder jumys isteıtin aýmaqtaǵy aýmaqtyq komıssııalarmen júrgizilýde», - dedi ol.
Sonymen qatar ol búgingi kúni barlyq saıası partııalardyń saılaýaldy úgit-nasıhat jumystaryn júrgizýge arnalǵan shtabtary qurylǵanyn eske salyp ótti.
«Eger sizder saılaýaldy shtab jumysyna senimdi ókil bolyp sanalmaıtyn azamattardy tartatyn bosańyzdar, onda olardyń kórsetken qyzmetterine saılaý qory qarjysynan jalaqy tóleýlerińiz qajet. Zańǵa sáıkes senimdi ókilder baıqaýshy quqy men mindetterine ıe. ıAǵnı, olardyń ókilettikteri barynsha keń jáne ózderiniń ókilettikteri sheginde áreket etedi», - dedi QR OSK tóraǵasynyń orynbasary.
