Májilis jańartylatyn energııa kózderin paıdalanýdy qoldaýǵa baǵyttalǵan jobany birinshi oqylymda maquldady
ASTANA. 8 mamyr. QazAqparat - Búgin QR Parlamenti Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine jańartylatyn energııa kózderin paıdalanýdy qoldaý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.
Zań jobasy jańartylatyn kózderden elektr energııasyn óndirý úshin qolaıly jaǵdaı jasaýǵa baǵyttalǵan. Budan bólek, zań jobasy ınvestorlardy da, jeke tutynýshylardy da qoldaýdy kózdeıdi. Qujattyń tujyrymdamasy boıynsha jańartylatyn energııa kózderine jer telimderin berý sharasy erekshe jaǵdaılar boıynsha beriletin bolady. Bunymen qosa, zańnamada turaqty tarıfter engizý máselesi de qarastyrylyp otyr. Atap aıtqanda, zań jobasymen jańartylatyn energııa kózderinen óndiriletin elektr qýatynyń turaqty tarıfterin belgileý qamtylady. Al mundaı traqty tarıfterdi Úkimet uzaq merzimdi kezeńge, naqtylasaq on bes jylǵa deıin belgileıtin bolady.
Múddeli taraptardyń, onyń ishinde jobalardy júzege asyrýdyń tehnıkalyq máseleleri boıynsha ınjenerlerdiń, al ornyqty damý jáne klımattyń ózgerýi problemalary boıynsha ekologtardyń usynystary eskerildi», - deıdi Qorshaǵan ortany qorǵaý mınıstri Nurlan Qapparov.
Eske salsaq, qazirgi tańda Qazaqstan Respýblıkasynda «jasyl» ekonomıkaǵa kóshý tujyrymdamasy ázirlengen. Bul tujyrymdamaǵa sáıkes, 2014 jyly elimizdiń energetıkalyq teńgeriminde «jasyl» energetıka úlesin 1 paıyzǵa, al 2017 jylǵa qaraı 3 paıyzǵa jetkizý kózdeledi.
