Májilis: Jalpy otyrystyń kún tártibine negizinen halyqaralyq kelisimderdi bekitýdi kózdeıtin zań jobalary engizilmek
ASTANA. 10 aqpan. QazAqparat - Búgin QR Parlamenti Májilisiniń Tóraǵasy Nurlan Nyǵmatýlınniń jetekshiligimen Palata Bıýrosynyń otyrysy ótti, dep habarlaıdy Májilistiń baspasóz qyzmeti.
Bıýro otyrysynda aldaǵy aptada Májilistiń jalpy otyrysyna shyǵarylatyn máseleler sarapqa salyndy.
Halyqaralyq ister, qorǵanys jáne qaýipsizdik komıtetiniń usynýymen birqatar zań jobalary depýtattardyń talqysyna shyǵarylatyn boldy. Atap aıtqanda, «Ujymdyq qaýipsizdik týraly shart uıymy ujymdyq qaýipsizdik júıesiniń kúshteri men quraldary quralymdarynyń mártebesi týraly kelisimdi ratıfıkatsııalaý týraly», «Ujymdyq qaýipsizdik týraly shart uıymy ujymdyq qaýipsizdik júıesiniń kúshteri men quraldaryn qurý jáne qoldaný tártibi týraly kelisimdi ratıfıkatsııalaý týraly», «Ujymdyq qaýipsizdik týraly shart uıymynda áskerı maqsattaǵy ónimderdi shyǵarý jónindegi memleketaralyq ǵylymı-óndiristik birlestikterdi qurýdyń jalpy qaǵıdattary týraly kelisimdi ratıfıkatsııalaý týraly», «1992 jylǵy 15 mamyrdaǵy Ujymdyq qaýipsizdik týraly shartqa qatysýshy memleketter arasyndaǵy Áskerı-tehnıkalyq yntymaqtastyqtyń negizgi prıntsıpteri týraly kelisimge ózgerister engizý týraly úshinshi hattamany ratıfıkatsııalaý týraly» zań jobalary jalpy otyrystyń kún tártibine engizilmek.
Bıýro otyrysynda Májilistiń zań shyǵarmashylyq isine qatysty basqa da máseleler qaraldy.
