Májilis jalpy otyrysta qaralatyn máselelerdi naqtylady
ASTANA. QazAqparat - Búgin tómengi palata spıkeri Nurlan Nyǵmatýlınniń tóraǵalyǵymen Májilis bıýrosy aldaǵy jalpy otyrystyń kún tártibin naqtylady.
Májilis apparatynyń baspasóz qyzmetinen málim etkendeı, depýtattardene shynyqtyrý jáne sport máseleleri boıynsha túzetýlerge arnalǵan zań jobasyn ekinshi oqylymda talqylaıtyn bolady.
Sondaı-aq, osy kúni halyq qalaýlylary halyqaralyq jeke quqyq jónindegi Gaaga konferentsııasynyń Jarǵysyn ratıfıkatsııalaý týraly zań jobasyn qaraıdy.
Aldaǵy jalpy otyrysta Májilis konstıtýtsııalyq zańdarǵa memlekettik bıliktiń tarmaqtary arasynda ókilettikterdi qaıta bólý máseleleri boıynsha túzetýlerge qatysty Konstıtýtsııalyq zań jobasy men memlekettik bıliktiń tarmaqtary arasynda ókilettikterdi qaıta bólý máseleleri boıynsha ózgerister men tolyqtyrýlar engizý týraly Zań jobalary, sonymen birge, jer qatynastaryn retteýge qatysty túzetýler boıynsha beıindi komıtetterge qorytyndy ázirleý merzimin taǵaıyndamaq.
