Májilis ıAdrolyq zalal úshin azamattyq jaýapkershilik týraly Vena konventsııasyn maquldady
ASTANA. 12 qańtar. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «1997 jylǵy ıAdrolyq zalal úshin azamattyq jaýapkershilik týraly Vena konventsııasyn (1997 jylǵy 12 qyrkúıektegi Hattamamen engizilgen túzetýlerimen 1963 jylǵy 21 mamyrdaǵy ıAdrolyq zalal úshin azamattyq jaýapkershilik týraly Vena konventsııasynyń jıyntyq mátini) ratıfıkatsııalaý týraly» zań jobasyn maquldady.
Atalǵan Hattamaǵa sáıkes Vena konventsııasy men osy Hattama birge osy Hattamanyń Taraptaryna qatysty biryńǵaı mátin retinde túsindiriledi jáne uǵynylady. Bul 1997 jylǵy ıAdrolyq zalal úshin azamattyq jaýapkershilik týraly Vena konventsııasy retinde atalýy múmkin.
Konventsııa ıadrolyq energııanyń belgili bir túrlerin beıbit maqsatta paıdalaný nátıjesinde týyndaıtyn zalaldan qarjylaı qorǵaýdy qamtamasyz etý úshin normalar men ólshemderdi belgileýge baǵyttalǵan. Konventsııany ratıfıkatsııalaý Qazaqstannyń halyqaralyq normalarǵa sáıkes ıadrolyq zalal úshin jaýapkershilik júkteýge daıyn ekendigi týraly nıetin rastaıdy. Tıisinshe Qazaqstannyń ıadrolyq materıaldardyń, tehnologııalardyń, jabdyqtar men ıadrolyq qondyrǵylardyń eksporty men ımportyn júzege asyrýdy qosa alǵanda atom energııasyn beıbit maqsatta paıdalaný salasyndaǵy halyqaralyq yntymaqtastyǵyn odan ári damytýǵa járdemdesetin bolady.
Májilis maquldaǵan zań jobasy Parlament Senatyna jiberiledi.
