Májilis ıadrolyq qarýǵa tyıym salatyn qujatty qarap jatyr

ASTANA. QazAqparat - QR Parlamenti  Májilisi «ıAdrolyq qarýǵa tyıym salý týraly shartty ratıfıkatsııalaý týraly» zań jobasy boıynsha jumysty bastady, dep habarlaıdy QazAqparat.

«Atalǵan shartqa 2017 jylǵy 7 shildede Nıý-Iork qalasynda qol qoıylǵan bolatyn. Bul halyqaralyq sharttyń basty maqsaty - ıadrolyq qarýdy jasaýǵa, synaq júrgizýge, satyp alýǵa, tasymaldaýǵa jáne qoldanýǵa tyıym jónindegi zań júzinde mindetteıtin qujatty qabyldaý. Sonymen birge, ıadrolyq memleketterdi qarýsyzdanýǵa qatysty óz mindetterine muqııat qaraýǵa májbúrleý, BUU jarǵysynyń maqsattary men ustanymdaryn júzege asyrýǵa úles qosý turǵysynda ıadrolyq qarýdy tolyǵymen joıýǵa qol jetkizý eskerilgen», - dedi Halyqaralyq ister, qorǵanys jáne qaýipsizdik komıtetiniń tóraǵasy Muhtar Erman.

Osy oraıda ol Komıtet atalǵan zań jobasyn jumysqa alýǵa daıyn ekenin, qujat boıynsha 2019 jyldyń 27 qarashasyna deıin qorytyndy ázirleıtinin atap ótti.

Aıta keteıik, ıAdrolyq qarýǵa tyıym salý týraly shart 2017 jylǵy 7 shildede  BUU-nyń 122 múshe-memleketiniń qoldaýymen qabyldandy. Bul qujat 2017 jyldyń naýryz jáne maýsym-shilde aralyǵynda Nıý-Iork qalasynda ótken ıAdrolyq qarýdyń túbegeıli joıylýyna ákeletin ıadrolyq qarýǵa tyıym salý týraly zańdyq mindetteýshi kúshi bar qujat ázirleý boıynsha BUU konferentsııasynyń eki sessııasynyń qorytyndysy negizinde paıda boldy.