Májilis úshinshi sessııa barysynda 37 zań jobasyn maquldady
ASTANA. Qarashanyń 24-i. QazAqparat /Aıdyn Báımen/ - QR Parlamenti Májilisiniń úshinshi sessııasynyń búgingi kúnge deıingi zań shyǵarýshylyq qyzmetiniń qysqasha qorytyndysy shyǵaryldy,
dep habarlaıdy QazAqparat.
Qyrkúıektiń 1-i men qarashanyń 24-i aralyǵynda Úkimetten 47 jańa zań jobasy kelip túsken. Onyń syrtynda Palatanyń zańnama qorjynynda aldyńǵy sessııadan ótken 51 zań jobasy jáne bar. Onyń 43-i Úkimet usynǵan bolsa, 8-ne depýtattar bastamashy bolǵan. Qyrkúıektiń 1-nen bergi kezeńde Májilis 37 zań jobasyn maquldap, Senattyń qaraýyna jiberdi. Memleket basshysy Parlament qabyldaǵan 8 zańǵa qol qoıǵan.
