Májilis Ulttyq kásipkerler palatasy týraly zań jobasyn maquldady
ASTANA. 12 maýsym. QazAqparat - Búgin Parlament Májilisiniń jalpy otyrysynda palata depýtattary «Qazaqstan Respýblıkasynyń Ulttyq kásipkerler palatasy týraly» zań jobasyn birinshi oqylymda maquldady.
Atalǵan qujat Memlekte basshysynyń byltyrǵy jylǵy Joldaýynda júktegen tapsyrmalardy júzege asyrýǵa baǵyttalǵan. Onda Elbasy halyqaralyq tájirıbelerge súıene otyryp, kásipkerlerdi palatalarǵa toptastyrýdy tapsyryp, onyń ekonomıka tıimdiligniń mańyzdy faktory bolatynyn, osylaı istelgen jerde «myqty bıznes -myqty memleket» qaǵıdasy júzege asatynyn atap ótken bolatyn. Bul rette qujattyń maqsaty Qazaqstanda kásipkerlik sektordyń ósýi men odan ári damýy úshin ınstıtýtsıonaldyq negizdi qalyptastyrý bolyp tabylady. Zań jobasy boıynsha kásipkerlik sýbektilerin shoǵyrlandyrý, memlekettik ekonomıkalyq saıasatty ázirleý jáne iske asyrý kezinde kásipkerlik sýbektileriniń memlekettik organdarymen ózara tıimdi is-qımylyn uıymdastyrý arqyly bıznes múddesiniń eskerilýi qamtamasyz etilmek.
QR Premer-Mınıstriniń birinshi orynbasary-Óńirlik damý mınıstri Baqytjan Saǵyntaevtyń aıtýynsha, zań jobasyna sáıkes, Ulttyq kásipkerler palatasynyń kontınentaldyq (eýropalyq) úlgisi qalyptasady. Bul kásipkerlerdiń jalpyǵa birdeı músheligine negizdelmek. Al mundaı kontınentaldyq úlgi Frantsııa men Germanııada dúnıege kelgen. Qazir kóptegen eýropalyq elderde osy úlgi tabysty iske asyp keledi.
Birinshi oqylymda tujyrymdamalyq túrde maquldanǵan zań jobasy ekinshi oqylymǵa ázirlenetin bolady.
