Májilis UQShU kúshteri boıynsha jasyryn basqarý júıesin qurýǵa arnalǵan zań jobasyn maquldady
ASTANA. Qańtardyń 13-i. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «Ujymdyq qaýipsizdik týraly shart uıymy ujymdyq qaýipsizdik júıesiniń kúshteri men quraldaryn jasyryn basqarý júıesiniń negizgi qaǵıdattary týraly kelisimdi ratıfıkatsııalaý týraly» zań jobasyn maquldady,
dep habarlaıdy QazAqparat.
Atalǵan kelisimge 2009 jyldyń maýsymynda Máskeý qalasynda qol qoıylǵan bolatyn. Kelisim boıynsha jasyryn basqarý júıesi fýnktsıonaldyq jaǵynan ózara baılanysqan basqarý organdarynyń, aqparatty qorǵaý organdarynyń, áskerdiń, koalıtsııalyq toptaryn basqarýdyń uıymdyq-tehnıkalyq negizin quraıtyn jıyntyqty bildiredi. Bundaı júıeni qurýdyń negizgi qaǵıdattary ujymdyq qaýipsizdik óńirlerinde UQShU kúshteri men quraldaryn jasyryn basqarý júıesin qalyptastyrý bolyp tabylady. Sonymen qatar, Jasyryn basqarý júıesiniń mindetteri, kúshteri men quraldarynyń quramy, jumys isteý tártibi UQShU Qorǵanys mınıstrleri keńesiniń jáne Qaýipsizdik keńesteri hatshylary komıtetiniń sheshimderimen bekitiletin jeke Erejemen aıqyndalady.
Májilis maquldaǵan zań jobasy Parlament Senatyna jiberiledi.
