Májilis Túrki keńesi Hatshylyǵynyń qarjylyq qaǵıdalary týraly kelisimdi jumysqa aldy
ASTANA. 8 qańtar. QazAqparat - Búgin Nurlan Nyǵmatýlınniń tóraǵalyǵymen ótken jalpy otyrysta Parlament Májilisiniń depýtattary «Túrkitildes memleketterdiń yntymaqtastyq keńesi Hatshylyǵynyń qarjylyq qaǵıdalary týraly kelisimdi ratıfıkatsııalaý týraly» zań jobasyn jumysqa aldy.
Atalǵan Kelisimge qol qoıylý Túrkitildes memleketterdiń yntymaqtastyq keńesi Hatshylyǵynyń qarjylyq-sharýashylyq qyzmetin júrgizý úshin negiz bolady. Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaevtyń aıtýynsha, kelisimniń kúshine enýi saıası, ekonomıkalyq, gýmanıtarlyq, mádenı jáne basqa salalardaǵy Qazaqstannyń Túrkitildes memleketterdiń yntymaqtastyq keńesine múshe memlekettermen kópjaqty yntymaqtastyǵyna jańa sapa berýge baǵyttalady. Sonymen qatar, kelisimniń erejeleri TMYK Hatshylyǵynyń bıýdjetin qarjylandyrý kózderin, ony qalyptastyrý jáne atqarý tártibin aıqyndaıdy.
