Májilis Túrikmenstanmen strategııalyq áriptestik týraly shartty maquldady

ASTANA. QazAqparat - QR Parlamenti Májilisiniń jalpy otyrysynda «Qazaqstan Respýblıka men Túrikmenstan Respýblıkasy arasyndaǵy strategııalyq áriptestik týraly shartty ratıfıkatsııalaý týraly» QR zańynyń jobasy maquldandy, dep habarlaıdy «QazAqparat» HAA tilshisi.

«Qazaqstan Túrikmenstandy jaqyn kórshiles el jáne Ortalyq Azııadaǵy mańyzdy áriptes retinde qarastyrady. Memleket basshysy Ortalyq Azııa óńirin Qazaqstannyń syrtqy saıasatynyń basym baǵyty dep belgiledi. Túrkimenstan Qazaqstannyń Ortalyq Azııada strategııalyq áriptestikti bekitken tórtinshi el bolyp sanalady. ıAǵnı, búgingi kúni Qazaqstan atalǵan aımaqta barlyǵymen strategııalyq áriptestik deńgeıinde yntymaqtasady», - dep atap ótti zań jobasyn tanystyrǵan QR Syrtqy ister mınıstriniń orynbasary Ǵalymjan Qoıshybaev.

Onyń aıtýynsha, qazaqstandyq-túrikmenstandyq áriptestik 1993 jyly qol qoıylǵan Qazaqstan-Túrikmenstan arasyndaǵy Dostyq qarym-qatynastar men yntymaqtastyq týraly shartqa negizdelgen. Sharttyń maqsaty - ekijaqty qarym-qatynastyń tyǵyz árekettesýin bekitý bolyp tabylady.

«Taraptar halyqaralyq terrorızmge jáne dinı ekstremızmge, sondaı-aq jańa qaýipter men syn-qaterlerdiń ózge de kórinisterine yntymaqtastyqty keńeıtedi», - dedi Ǵalymjan Qoıshybaev.

Qoıshybaev óz sózinde Shart belgilenbegen merzimge bekitilgenin jáne ol ratıfıkatsııalaý týraly gramotalardy almasqannan keıin kúshine enetinin atady. Óz kezeginde Túrkimenstan ratıfıkatsııalaý týraly shartty 11 qyrkúıek kúni habarlaǵan. Shartqa Túrkimenstan Prezıdentiniń 2017 jyldyń 18 sáýirinde Qazaqstanǵa jasaǵan sapary barysynda qol qoıylǵan.