Májilis tóraǵasynyń orynbasarlary saılandy

ASTANA. QazAqparat – Májilistiń jalpy otyrysy barysynda palata tóraǵasynyń eki orynbasary saılandy, dep habarlaıdy QazAqparat tilshisi.

«QR Parlamenti jáne onyń depýtattarynyń mártebesi týraly» Konstıtýtsııalyq zańy 9-baby 8-tarmaǵyna sáıkes, palata depýtattary arasynan Májilis tóraǵasynyń usynýymen palata depýtattary jalpy sanynyń kópshilik daýysymen saılanatyn 2 orynbasary bolady. Sondyqtan ózime berilgen quqyqty paıdalana otyryp, Parlament Májilisi tóraǵasynyń orynbasary laýazymyna aldymen Májilis depýtaty Albert Raýdyń kandıdatýrasyn usynamyn», - dedi Májilis tóraǵasy Erlan Qoshanov palatanyń jalpy otyrysy barysynda.

Daýys berý barysynda otyrysqa qatysqan 97 depýtattyń 96-sy Albert Raýdyń kandıdatýrasyn qoldap, 1 depýtat qalys qaldy.

Osydan keıin Májilis tóraǵasy 2-shi orynbasary laýazymyna Danııa Espaevanyń kandıdatýrasyn usyndy.

«Danııa Mádıqyzy tájirıbeli ekonomıst. Kóp jyl basshylyq qyzmette, bank sektorynda jumys istedi. 7-saılanymdaǵy Qarjy jáne bıýdjet komıtetiniń hatshysy bolyp, zań shyǵarý qyzmetine belsene atsalysty. Ózin kásibı maman retinde kórsete bildi», - dedi Erlan Qoshanov.

Danııa Espaevanyń kandıdatýrasyn 94 depýtat qoldady, bir depýtat daýys bergen joq, 2 depýtat qalys qaldy.