Májilis Tóraǵasy Reseıdiń Dostyq ordenimen marapattaldy
ASTANA. Qazannyń 28-i. QazAqparat - Sankt-Peterbor qalasyndaǵy Tavrııa saraıynda ótken saltanatty sharada QR Parlamenti Májilisiniń Tóraǵasy Oral Muhamedjanov Reseı Federatsııasynyń joǵary memlekettik nagradasymen marapattaldy, dep habarlaıdy Májilistiń baspasóz qyzmeti.
Reseı Federatsııasy Prezıdentiniń atynan «Edınaıa Rossııa» partııasynyń Joǵarǵy keńesiniń Tóraǵasy, Reseı Memlekettik Dýmasynyń Tóraǵasy Borıs Gryzlov Qazaqstan Respýblıkasy Parlamenti Májilisiniń Tóraǵasy Oral Muhamedjanovqa Qazaqstan men Reseı arasyndaǵy qarym-qatynasty damytýdaǵy eńbegi úshin Reseıdiń «Dostyq» ordenin tabys etti.
Marapattaý saltanaty Sankt-Peterbor qalasynda ótip jatqan TMD PAA, EýrAzEQ PAA jáne UQShU PA-nyń parlamenttik sharalary sheńberinde ótti.
