Májilis tóraǵasy Nurlan Nyǵmatýlın Ulybrıtanııa elshisin qabyldady
ASTANA. QazAqparat - Búgin Parlament Májilisiniń tóraǵasy Nurlan Nyǵmatýlın Ulybrıtanııa jáne Soltústik Irlandııa Birikken Koroldiginiń elimizdegi Tótenshe jáne ókiletti elshisi Maıkl Gıffordty qabyldady. Bul týraly QazAqparat QR Respýblıkasy Parlamenti Májilisiniń baspasóz qyzmetine silteme jasap habarlaıdy.
Bul taraptardyń alǵashqy kezdesýi. Májilis tóraǵasy atap ótkendeı, Ulybrıtanııamen jan-jaqty jáne ózara tıimdi qatynastardy nyǵaıtý Qazaqstannyń syrtqy saıasatyndaǵy eń mańyzdy baǵyttardyń biri. Ótken jyly eki el arasynda dıplomatııalyq baılanystyń ornaǵanyna 25 jyl tolyp, osy ýaqyt ishinde senimdi saıası únqatysýmen qatar, ekijaqty qarym-qatynas strategııalyq áriptestik deńgeıine jetti.
Májilis tóraǵasy Ulybrıtanııa tarapyna Qazaqstannyń mańyzdy bastamalaryna kórsetken qoldaýy úshin alǵys bildirip, halyqaralyq deńgeıdegi ózekti máselelerge nazar aýdardy. Bizdiń elimiz atalǵan memleketpen túrli halyqaralyq qurylymdar, sonyń ishinde BUU Qaýipsizdik Keńesi aıasynda birlesken jumystar arqyly ekijaqty jáne kópqyrly ózara is-qımyldy nyǵaıtýǵa yntaly. Osy rette elshi myrza bizdiń elimizdiń Ortalyq Azııada alǵashqy bolyp BUU Qaýipsizdik Keńesine múshe bolǵanyn alǵa tartyp, Qazaqstan Prezıdentiniń tóraǵalyǵymen ótken BUU Qaýipsizdik Keńesi otyrysynyń mańyzdylyǵyna toqtaldy.
Taraptar ózara yntymaqtastyqty odan ári nyǵaıtýda ásirese, ekonomıka, bilim, ınnovatsııalyq tehnologııa salalaryna aıryqsha kóńil bóldi. Osy rette N. Nyǵmatýlın Elbasy Joldaýynda aıtylǵan 10 mindetke toqtalyp, tehnologııa jáne tsıfrlandyrý salalaryndaǵy áriptistekti damytýdyń mańyzy zor ekenin aıtty.
Májilis Spıkeriniń aıtýynsha, tsıfrlyq ekonomıkany kúsheıtý, tsıfrlyq qyzmetterdi usyný, ınnovatsııalyq ortalyqtardy zańnamalyq qamtamasyz etý baǵytynda brıtandyq ártiptesterdiń tájirıbesi qyzyǵýshylyq týdyrady. Parlamentaralyq baılanys máselesine kelgende N. Nyǵmatýlın qazaqstandyq parlamentshilerdiń brıtandyq áriptesterimen yntymaqtastyq jónindegi toptar men beıindi komıtetter arqyly is-saparlar jasap, tájirıbe almasýǵa, zań-shyǵarmashylyq áriptestikti kúsheıtýge yntaly ekenin jetkizdi.
