Májilis tóraǵasy Nurlan Nyǵmatýlın BAÁ elshisin qabyldady
ASTANA. QazAqparat - Májilis tóraǵasy Nurlan Nyǵmatýlın Birikken Arab Ámirlikteriniń Qazaqstandaǵy Tótenshe jáne ókiletti elshisi Muhammed ál - Djabar myrzany qabyldady, dep habarlaıdy QazAqparat QR Parlamenti Májilisiniń baspasóz qyzmetine silteme jasap.
Bul taraptardyń alǵashqy júzdesýi.
Májilis tóraǵasy atap ótkendeı, BAÁ Qazaqstannnyń eń mańyzdy áriptesteriniń biri. Ótken jyly eki el arasynda dıplomatııalyq qarym-qatynastyń ornaǵanyna 25 jyl toldy. Osy ýaqyt ishinde qos memleket arasyndaǵy baılanys syndarly damý deńgeıine jetti.
Taraptardyń pikirinshe, bul eki el basshylarynyń baýyrlastyq, dostyq negizge qurylǵan strategııalyq kelisimderiniń jemisi.
N. Nyǵmatýlınniń aıtýynsha, búgingi kúni barlyq salada, ásirese, munaı-hımııa, kólik-logıstıka, energetıka salalarynda áriptestik qatynas belsendi túrde damyp keledi.
Kezdesý barysynda Qazaqstan Prezıdentiniń bıylǵy Joldaýynda aıtylǵan 10 baǵytqa aıryqsha nazar aýdarǵan Májilis spıkeri bolashaqta eki el arasynda tehnologııa jáne ınnovatsııa salasynda yqpaldastyqty tereńdetýdiń mańyzdylyǵyna toqtaldy. Máselen, Ámirliktiń ekonomıkany ártaraptandyrý, ınnovatsııalyq ekonomıkaǵa kóshý, arnaıy ekonomıkalyq jáne ındýstrııalyq aımaqtar qalyptastyrý tájirıbesi Qazaqstan úshin qyzyǵýshylyq týdyrady.
Óz kezeginde elshi Qazaqstan barlyq salada álemdik deńgeıde zor rólge ıe ekenin, ol Qazaqstan Prezıdenti Nursultan Nazarbaevtyń kóregen saıasatynyń nátıjesi ekenin aıtyp, BAÁ Qazaqstannyń barlyq bastamalaryn qoldaýǵa yntaly ekenin jetkizdi.
Kezdesý ıeleri halyqaralyq ózekti suraqtardy da nazardan tys qaldyrmady.
Júzdesý sońynda Májilis spıkeri aldaǵy ýaqytta beıindi komıtetter arqyly is-saparlar jasaý, ár sala boıynsha zańnamalyq tájirıbe almasý jumystaryn kúsheıtý bizdiń elderimizdi odan ári jaqyndastyryp, elder arasyndaǵy zańnamalyq bazany nyǵaıta túsetinin atap ótti.
