Májilis Tóraǵasy N. Nyǵmatýlın Túrkııa Prezıdenti Abdolla Gúlmen kezdesti
ASTANA. 11 maýsym. QazAqparat - Ankarada ótip jatqan Túrkitildes elderi Parlamenttik Assambleıasy Keńesiniń aıasyndaǵy sharalar sheńberinde Parlament Májilisiniń Tóraǵasy Nurlan Nyǵmatýlın Túrkııa Respýblıkasynyń Prezıdenti Abdolla Gúlmen kezdesti.
Bul týraly Májilistiń baspasóz qyzmetinen habarlandy.
Júzdesý barysynda Túrkııa Prezıdenti Abdolla Gúl Qazaqstan Prezıdenti Nursultan Nazarbaevtyń bastamalarynyń kúlli túrki álemine mańyzy zor ekendigin basa aıtyp, elimizdiń jetistikterin erekshe baǵalady. Taraptar Qazaqstan men Túrkııa arasyndaǵy ózekti máselelerge qatysty kózqarastaryn bildirdi. Olar túrkitildes elder arasyndaǵy yntymaqtastyq máselelerin órkendetýge erekshe mán berdi.
Sondaı-aq, Nurlan Nyǵmatýlın men Abdolla Gúl TúrkPAA túrkilerdiń birigýi men tyǵyz baılanysta bolýyna arnalǵan únqatysý alańyna aınalǵanyna erekshe mán berdi.
Óz sózinde Májilis Tóraǵasy N. Nyǵmatýlın Túrki tildes elderdiń Parlamenttik Assambleıasy Qazaqstan Prezıdenti Nursultan Nazarbaevtyń usynysymen qurylǵanyn aıtyp,búginde túrki halqyna strategııalyq seriktestik jolynda jańa deńgeıge kóterilýine múmkindik jasap otyrǵanyna toqtaldy.
« TúrkPA sheńberinde parlamentshiler túrki órkenıetiniń mádenı muralaryn saqtaýǵa ǵana kúsh salyp qoımaıdy,túrkitildes elderdiń búgingi zaman áleminde róli arta túsýine odan ary qaraı qyzmet etedi»,- dep Nurlan Nyǵmatýlın atap ótti.
Toqtala ketetin jaıt, bıyl Assambleıaǵa tóraǵalyq jasaý Túrkııa jaǵyna ótken bolatyn. Májilis spıkeri Túrkııa tarapyn osy bir mańyzdy oqıǵamen quttyqtap, qyzmetterine tabys tiledi.
