Májilis tóraǵasy laýazymyna N. Nyǵmatýlınniń kandıdatýrasy usynyldy
ASTANA. QazAqparat - Búgin Parlament Májilisiniń jalpy otyrysynda Baqtyqoja Іzmuhambetovtiń otstavkasynan keıin jańa tóraǵa laýazymyna depýtat N.Nyǵmatýlınniń kandıdatýrasy usynyldy. Depýtattar jańa tóraǵany jasyryn daýys arqyly saılaýǵa kiristi. Aıta keterligi, saılaýǵa qatysty jasyryn daýystardy sanaý úshin jeti depýtattan turatyn sanaq komıssııasy qurylǵan bolatyn.
QR Konstıtýtsııasyna sáıkes, QR Parlamenti Májilisiniń tóraǵasy memlekettik tildi erkin meńgergen, Májilis depýtattarynyń arasynan palata depýtattary jalpy sanynyń kópshilik daýysymen jasyryn daýys berý arqyly saılanady. Májilis tóraǵasynyń qyzmetine kandıdatýrany palata depýtattary usynady. Osyǵan baılanysty depýtat Qýanysh Sultanov Májilis spıkeri laýazymyna N. Nyǵmatýlınnyń kandıdatýrasyn usyndy. «N. Nyǵmatýlınniń tolyq ómirbaıany táýelsizdigimizdiń órkendeýimen tikeleı baılanysty. Barlyq qyzmetterin sanamaǵannyń ózinde Qaraǵandy oblysynyń ákimi, «Nur Otan» partııasy Tóraǵasynyń birinshi orynbasary, Májilis tóraǵasy, Prezıdent Ákimshiliginiń basshysy laýazymdaryn eske túsirsek te jetkilikti», - dedi depýtat Q. Sultanov. Osylaısha, depýtattar arasynan Májilis tóraǵasy laýazymyna bir ǵana kandıdat usynylyp, ol boıynsha depýtattar jasyryn daýys berý arqyly saılaýǵa kiristi.
Eske sala keteıik, keshe Elbasy Nursultan Nazarbaev Qazaqstan Respýblıkasy Parlamenti Májilisiniń «Nur Otan» partııasy fraktsııasynyń jınalysynda Parlament Májilisiniń tóraǵasy laýazymyna N.Nyǵmatýlınniń kandıdatýrasyn qarastyrý týraly usynys jasaǵan bolatyn.
«Barshańyz Nurlan Zaırollaulyn jaqsy bilesizder. Ol Qaraǵandy oblysynyń ákimi, «Nur Otan» partııasy tóraǵasynyń birinshi orynbasary bolyp jumys istedi. Sońǵy jyldary Májilistiń V shaqyrylymyn basqaryp, kóbińizben birge eńbek etti. Onyń Prezıdent Ákimshiligindegi eki jarym jyl istegen qyzmeti prezıdent saılaýy, Májilis jáne barlyq deńgeıdegi máslıhattar saılaýy sııaqty qaýyrt saıası kezeńderge sáıkes keldi. Elimiz úshin aýqymdy saıası jumystar júrgizildi. Saılaýlar joǵarǵy deńgeıde uıymdastyrylyp, jaqsy baǵaǵa ıe boldy. Halqymyz yntymaǵyn kórsetip, bizdi qoldady. Sondyqtan jumysty odan ári jalǵastyrýymyz qajet», - dedi Qazaqstan Prezıdenti.
