Májilis tóraǵasy: Kez kelgen azamat aýylyna ınternettiń qashan keletinin bilip otyrýy kerek
Aıta ketsek, Májiliste búgin QR-nyń keıbir zańnamalyq aktilerine aýyldyq eldi mekenderde ınternettiń qoljetimdiligin qamtamasyz etý máseleleri boıynsha ózgerister men tolyqtyrýlar engizý týraly zań jobasy qaralǵan bolatyn.
«Asqar Qýanyshuly (Tsıfrlyq damý, ınnovatsııalar jáne aeroǵarysh ónerkásibi mınıstri Jumaǵalıevqa) aýyldarǵa ınternet tartý týraly aqparat memlekettik qupııaǵa jata ma? Joq deseńiz sizdiń mınıstrligińiz Indýstrııa jáne ınfraqurylymdyq damý mınıstrligi sekildi jumys júrgize ala ma? Máselen ol mınıstrlik jumysty rettedi. ıAǵnı qazir kez kelgen azamat olardyń aqparat kózine kirip, qaı jyly qandaı joldyń jóndeletinin bile alady. Qazaqstannyń telekommýnıkatsııalyq kartasynyń jumysy da osyndaı bolýy kerek. Halyq sany 250-den asatyn nemese aspaıtyn aýyldar týraly aıtyp jatyrsyzdar. Alaıda ondaı eldi mekendegi adamdar óz aýylyna ınternet qashan keletinin bilýi tıis. Túsinikti ǵoı? Bul aqparat qupııa emes pe?» - dep suraq qoıdy Asqar Jumaǵalıevqa Nurlan Nyǵmatýlın.
Bul suraqqa «qupııa emes» dep jaýap bergen mınıstr maýsym aıynyń sońyna deıin «Tsıfrlyq kartany» ázirleý jumysy aıaqtalatynyn jetkizdi. Nurlan Nyǵmatýlın óz kezeginde áriptesterin mınıstrdiń ýádesin umytpaýǵa shaqyrdy.
«Ol bizdiń aldymyzda kartanyń jumys istep turǵanyn jarııalaýy kerek. Kez kelgen aýyldaǵy halyq, kez kelgen azamat óz aýylyna ınternet qashan keletinin bilip otyrýy tıis», - dedi Nurlan Nyǵmatýlın.
