Májilis tóraǵasy Estonııanyń Premer-Mınıstrimen kezdesti
ASTANA. QazAqparat - Búgin Parlament Májilisiniń tóraǵasy Nurlan Nyǵmatýlın Estonııanyń Premer-Mınıstri ıÝrı Ratas bastaǵan delegatsııa ókilderimen kezdesti. Bul týraly QazAqparat Májilistiń baspasóz qyzmetine silteme jasap habarlaıdy.
Taraptar ekijaqty qarym-qatynasty nyǵaıtýdyń ózekti suraqtaryn talqylady.
Májilis tóraǵasy Estonııa Qazaqstannyń Baltyq aımaǵyndaǵy mańyzdy áriptesi ekenin alǵa tarta kelip, ótken jyly eki el arasynda dıplomatııalyq qatynastyń ornaǵanyna 25 jyl tolǵanyn atap ótti.
Bizdiń elimiz atalǵan memleketpen jan-jaqty ári syndarly dıalogty odan ári damytýǵa yntaly.
Májilis tóraǵasy ásirese, Qazaqstan Prezıdenti Nursultan Nazarbaevtyń bastamasymen júzege asyrylyp jatqan «Tsıfrly Qazaqstan» baǵdarlamasyna aıryqsha toqtaldy.
Osy rette Estonııanyń tsıfrlandyrý, aqparattyq-kommýnıkatsııalyq tehnologııa salasyndaǵy jetistikterin sóz etken N. Nyǵmatýlın osy baǵytta jan-jaqty, sonyń ishinde, zańnamalyq deńgeıde tájirıbe almasýdyń mańyzdylyǵyna erekshe kóńil bóldi.
Óz kezeginde Estonııa Premer - Mınıstri Qazaqstannyń, sonyń ishinde, Astananyń damý qarqynyna tańdanysyn jasyrmady. Sondaı-aq, bizdiń elderimizdiń ózara is-qımyly tabysty damyp kele jatqanyn aıta kelip, ekijaqty qatynasty odan ári nyǵaıtýdyń áleýeti zor ekenine toqtaldy.
Odan ári Palata spıkeri Májilistiń zań shyǵarmashylyq jumysy jaıynda áńgimeleı kelip, parlamentaralyq baılanysty kúsheıtý máselelerine toqtaldy.
