Májilis Tóraǵasy beıbit jınalystar týraly zań jobasyna qatysty pikir bildirdi

NUR-SULTAN. QazAqparat – Parlament Májilisiniń Tóraǵasy Nurlan Nyǵmatýlın «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» zań jobasyna qatysty pikir bildirdi, dep habarlaıdy QazAqparat tilshisi.

N. Nyǵmatýlın Májilis depýtattary, memlekettik organdar, parlamenttik emes partııalar, ÚEU men azamattyq qoǵamnyń ókilderi birlesip jumys atqarǵan jańa zań jobasy halyq únine qulaq asatyn memleket tujyrymdamasyna sáıkes keletinin atap ótti. Otyrys barysynda depýtattar birqatar máselelerge toqtaldy.

Nurlan Nyǵmatýlın talqylaýdy qorytyndylaı kele, zań jobasynyń úkimettik nusqasy túrli alańdarda, sonyń ishinde óńirlerde talqylanǵannan keıin, eleýli ózgeristerge ushyraǵanyna toqtaldy. Budan basqa, ekinshi oqylymǵa deıin jumys toby túzetýler men tolyqtyrýlardyń sońǵy redaktsııalaryn pysyqtaýy tıis.

Májilis tóraǵasy bul mıtıngiler týraly zań jobasy halyq únine qulaq asatyn memleket tujyrymdamasyna sáıkes keletinin aıtyp, zań jobasy jınalystar men mıtıngilerdi uıymdastyrý men ótkizýdiń qoldanystaǵy tájirıbesin túbegeıli ózgertetinine jáne azamattardyń quqyqtary, sondaı-aq olardyń jınalystar men mıtıngilerdi ótkizý kezindegi jaýapkershilikteriniń ońtaıly úılesimin qamtamasyz etetine nazar aýdardy.

Budan buryn habarlanǵandaı, Parlament Májilisiniń jalpy otyrysynda «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» zań jobasy birinshi oqylymda maquldandy.