Májilis tóraǵasy áıelderdi aldaǵy 8 Naýryz merekesimen quttyqtady
ASTANA. QazAqparat - QR Parlament Májilisiniń Tóraǵasy Nurlan Nyǵmatýlın depýtat áıelderdi kele jatqan 8 Naýryz halyqaralyq áıelder kúnimen quttyqtady, dep habarlaıdy Májilistiń baspasóz qyzmetinen.
Áıelderdiń elimizdiń áleýmettik-ekonomıkalyq, saıası-mádenı damýyndaǵy róline aıryqsha toqtalǵan palata tóraǵasy tikeleı óz áriptesteriniń zań shyǵarý jumysyndaǵy eleýli eńbekterine aıryqsha mán berdi.
Spıkerdiń atap ótýinshe, densaýlyq, mádenıet, bıýdjet jáne qarjy máseleleriniń qaı-qaısy da árqashan názik jandylardyń nazarynda. Sondaı-aq ol áıelderdi qoldaý, jan-jaqty damýyna jaǵdaı jasaý Elbasy saıasatynyń basym baǵyttarynyń biri ekenin atap ótti.
«Prezıdentimizdiń árbir qazaqstandyqtyń ıgiligi úshin jasalatyn memlekettik deńgeıdegi ómirlik mańyzdy máselelerdi sheshýde ásirese, sizderge senim artatyny kezdeısoqtyq emes», - degen N. Nyǵmatýlın. áıelder qaýymyna zor densaýlyq pen baqyt tilep, aqjarma tilegin aıtty.
