Májilis tóraǵasy Aýstrııa delegatsııa ókilderimen kezdesti

Taraptar eki el arasyndaǵy, sonyń ishinde, parlamentaralyq yqpaldastyqty nyǵaıtýdyń ózekti suraqtaryn talqylady.

Májilis Spıkeri Aýstrııa Qazaqstannyń mańyzdy strategııalyq áriptesi ekenin atap ótti.

N. Nyǵmatýlın bıylǵy jyldyń eń mańyzdy saıası oqıǵasy retinde kezekten tys ótken Qazaqstan Prezıdenti saılaýyn alǵa tarta kelip, jańa saılanǵan Memleket basshysy Qazaqstannyń Tuńǵysh Prezıdenti - Elbasy Nursultan Nazarbaevtyń strategııalyq baǵytyn odan ári jalǵastyratynyn basa aıtty.

Taraptar odan ári qos memleket arasyndaǵy saıası-ekonomıkalyq baılanystardy nyǵaıtýdy sóz etti.

Palata Tóraǵasy, búginde Aýstrııa «jasyl» tehnologııa boıynsha álemdik jetekshi elderdiń biri bolyp sanalatynyn aıtyp, bizdiń elimiz energetıka, jańa tehnologııa, ınnovatsııalyq-ınvestıtsııalyq yntymaqtastyq salasynda qatynasty damytýǵa yntaly ekendigine toqtaldy.

Osy rette az ýaqyt buryn qabyldanǵan Eýropalyq Odaqtyń Ortalyq Azııa boıynsha Strategııasy bizdiń elderimizdiń ózara is-qımylyn aımaqtyq deńgeıde damytýǵa yqpal etpek.

Óz kezeginde mártebeli meıman bizdiń memleketimizge alǵash ret saparlap otyrǵanyn, Qazaqstannyń damý qarqyny men strategııalyq maqsattary tańqaldyrǵanyn jetkizdi.

Kezdesý ıeleri qazaqstandyq-avstrııalyq qarym-qatynastyń mańyzdy bóligi parlamentaralyq is-qımyl ekenin alǵa tartyp, beıindi komıtetter men parlamentaralyq toptar sheńberinde zańnamalyq tájirıbe almasýdy odan ári yntalandyrý tóńireginde pikir almasty.

N. Nyǵmatýlın qonaqtar aldynda 23-24 qyrkúıekte Nur-Sultan qalasynda «Úlken Eýrazııa. Dıalog. Senim. Áriptestik» taqyrybynda ótetin Eýrazııa elderi parlamentteri spıkerleriniń IV keńesiniń mańyzdylyǵy týraly baıandady.