Májilis terrorzımge qarsy is-qımylǵa baǵyttalǵan jobany ekinshi oqylymda maquldady
annyń 28-i. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «QR keıbir zańnamalyq aktilerine terrorızmge qarsy is-qımyl máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda maquldady,
dep habarlaıdy QazAqparat.
Atalǵan zań jobasy 2007-2011 jyldarǵa arnalǵan Ulttyq qaýipsizdik strategııasy erejelerin oryndaý maqsatynda ázirlengen. Zań jobasy elimizdiń qoldanystaǵy zańnamalaryn halyqaralyq tájirıbege sáıkes keltirý, terrorızmge qarsy is-qımyldyń anyq qaǵıdattaryn qalyptastyrýǵa baǵyttalyp otyr. Budan basqa, qujat terrorızmge qarsy is-qımyl salasyndaǵy memleketimizdiń halyqaralyq mindettemelerin iske asyrýǵa jáne ulttyq zańnamany úılestirýge jáne bir izge keltirýge baǵyttalady. Sonymen birge, qujatta osyndaı qaýipke qarsy turýdyń quqyqtyq negizderi jetildirilip, terrorızmmen kúresýdiń tıimdi jalpy memlekettik júıesin ońtaılandyrý sharalary kózdeledi.
Sondaı-aq zań jobasy terrorızmniń aldyn alýǵa jáne kúresýge, onyń saldaryn joıý men barynsha azaıtýǵa baǵyttalǵan keshendi quqyqtyq jáne uıymdastyrýshylyq sharalardy qamtıdy. Bundaǵy ózgeristerge sáıkes terrorızmge qarsy operatsııalardyń quqyqtyq tártibi belgilenedi. Qujat boıynsha Prezıdenttiń jáne Úkimettiń ókilettiligi, terrorızmge qarsy is-qımyldy úılestirý jónindegi ýákiletti organnyń qyzmeti men mindeti anyqtalady.
Budan bólek qujatta terrorızmge qarsy operatsııanyń quqyqtyq tártibi, sondaı operatsııa kezindegi engiziletin sharalar men ýaqytsha shekteýler aıqyndalady. Terrorızm aktisin jasaýdyń týyndaý qaterine den qoıýdyń oralymdy jáne ýaqtyly bolýyn arttyryp, lańkesterdiń belsendi áreketterin boldyrmaý úshin jeke tulǵalar men kólik quraldaryn kýálerdiń qatysýynsyz-aq qarap-tekserýdiń ońaılatylǵan tártibi engiziledi.
Májilis maquldaǵan zań jobasy Parlament Senatyna jiberiledi.
