Májilis terrorızmge qarsy is-qımyl jónindegi zań jobasyn birinshi oqylymda maquldady
ASTANA. 14 qarasha. QazAqparat - Búgin QR Parlamentiniń jalpy otyrysynda palata depýtattary
«QR keıbir zańnamalyq aktileriniń terrorızmge qarsy is-qımyl máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldady.
Atalǵan qujattyń maqsaty terrorızm qaýpiniń, sondaı-aq terrorıstik qaterler kórinisteriniń arta túsýin eskerip, lańkestikke qarsy is-qımyldyń memlekettik júıesin jetildirý bolyp tabylady. Osyǵan oraı ákimshilik quqyq buzýshylyq týraly kodekske terrorıstik turǵydan osal nysandardyń ataýlaryn naqtylaý, terrorımzge qarsy operatsııalardy júrgizý kezinde kúzet qyzmetin toqtata turý týraly talaptaryn buzǵany úshin jaýapkershilikti belgileý sekildi naqtylaýshy sıpattaǵy ózgerister engiziledi. Budan bólek lańkestikke qarsy is-qımyldyń jalpy memlekettik júıesi boıynsha el Prezıdenti men Úkimetiniń, sondaı-aq Ulttyq qaýipsizdik komıtetiniń ókilettikteri naqtylanady.
Terrorızm aktileriniń jolyn kesý úshin Qazaqstan Qarýly Kúshterin qoldanýdyń tártibi, sondaı-aq terrorızmge qarsy operatsııa rejımin engizý týraly halyqty habarlandyrýdyń tártibi aıqyndalady.
