Májilis Tájikstanǵa óteýsiz áskerı-tehnıkalyq kómek kórsetýge baǵyttalǵan kelisimdi jumysqa aldy
ASTANA. 25 qyrkúıek. QazAqparat - Búgin QR Parlamenti Májilisiniń jalpy otyrysynda palata «Qazaqstan Respýblıkasynyń Úkimeti men Tájikstan Respýblıkasynyń Úkimeti arasyndaǵy óteýsiz áskerı-tehnıkalyq kómek kórsetý týraly Kelisimdi ratıfıkatsııalaý týraly» zań jobasyn óndiriske aldy.
Atalǵan kelisimge sáıkes, Qazaqstan tarapy Tájikstanǵa túrli áskerı múlikterdi óteýsiz berý túrinde óteýsiz áskerı-tehnıkalyq kómek kórsetedi.
Sonymen qatar, otyrys barysynda depýtattar «2008 jylǵy 12 jeltoqsandaǵy Aıryqsha jaǵdaılarda Biryńǵaı kedendik tarıftiń mólsherlemelerinen erekshelenetin kedendik ákelý bajdarynyń mólsherlemelerin qoldaný sharttary men tártibi týraly hattamaǵa ózgerister engizý týraly hattamany ratıfıkatsııalaý týraly» zań jobasyn da óndiriske aldy.
Qujat Biryńǵaı kedendik tarıftiń mólsherlemelerinen erekshelenetin ımporttyq keden bajdaryn birjaqty tártippen qoldanýdyń barynsha uzaq merzimin belgileýge múmkindik beredi.
