Májilis sýdıalardyń táýelsizdigi men jaýapkershiligin arttyratyn zań jobasyn maquldady

NUR-SULTAN. QazAqparat – QR Pralamenti Májilisiniń depýtattary «QR sot júıesi men sýdıalarynyń mártebesi týraly» Konstıtýtsııalyq zańǵa ózgerister men tolyqtyrýlar engizý týraly» Konstıtýtsııalyq zań jobasyn birinshi oqylymda maquldady, dep habarlaıdy QazAqparat tilshisi.

Qujatty áriptesterine Májilis depýtaty Názılá Razzaq tanystyryp, Parlament Májilisiniń Zańnama jáne sot-quqyqtyq reforma komıtetiniń tóraǵasy Arman Qojahmetov qosymsha baıandama jasady.

Depýtattar atalmysh zań jobasyn birinshi oqylymda maquldap daýys berdi.

Aıta keteıik, atalmysh zań jobasynyń basty maqsaty – sot júıesin odan ári damytý.

«Zańnamalyq ózgerister sýdıalardyń kásibıligin, sondaı-aq jaýapkershiligi men táýelsizdigin arttyrýdy kózdeıdi. Bul maqsatqa jetý jolynda basty 3 baǵytqa nazar aýdaryldy. Ol, eń aldymen, sot júıesin qarjylandyrýǵa baılanysty. Sottardyń qarjylyq derbestigi – sot bıligi táýelsizdiginiń negizgi kórsetkishteriniń biri. Sondyqtan halyqaralyq tájirıbe boıynsha sot júıesi bıýdjetiniń mólsherin paıyzben belgileý usynylady», - dedi Májilis depýtaty Názılá Razzaq.