Májilis sýdıa mártebesin jetildirýge baǵyttalǵan zań jobasyn talqylaıdy
ASTANA. QazAqparat - Búgin Májilis Tóraǵasy Nurlan Nyǵmatýlınniń tóraǵalyǵymen Palatanyń Bıýro otyrysy ótti. Onda aldaǵy aptada ótetin jalpy otyrysta qaralatyn máseleler belgilendi.
Bul týraly Májilistiń baspasóz qyzmetinen habarlandy.
Kún tártibine sáıkes, depýtattar qaraýyna «Qazaqstan Respýblıkasynyń sot júıesi men sýdıalarynyń mártebesi týraly» Konstıtýtsııalyq zańyna ózgerister engizý máselesin birinshi oqylymǵa shyǵarý josparlanady. Salalyq komıtettiń baıandaýynsha qujat sýdıalardyń táýelsizdiginiń mártebesi men sýdıalyq qyzmetke úmitkerlerdi baıqaý arqyly irikteý júıesin damytýǵa jáne sýdıalyq qyzmetke úmitkerlerdi tańdaýdaǵy qoǵamnyń rólin jetildirýge baǵyttalǵan.
Budan bólek, jalpy otyrystyń kún tártibiniń jobasyna birinshi oqylymǵa Ákimshilik quqyq buzýshylyq týraly kodeksine ózgerister engizý qosylyp otyr. Sonymen qatar 2011 jylǵy 18 qazandaǵy Erkin saýda aımaǵy týraly shartty onyń Taraptary men Ózbekstan Respýblıkasynyń arasynda qoldaný týraly Hattamany ratıfıkatsııalaýǵa qatysty zań jobasy da usynylmaq.
Sondaı-aq, palata Qazaqstan-Ózbekstan arasyndaǵy strategııalyq áriptestik týraly shartty ratıfıkatsııalaý týraly zań jobasyna qorytyndy ázirleý merzimin naqtylaıdy.
