Májilis spıkeri zań shyǵarý qyzmetinde depýtattardyń rólin kúsheıtý máselesin kóterdi

«Qazirgi tańda Parlament reglamentine ózgerister engizýdiń qajettigi týyndaǵanyn atap ótkim keledi. Ol depýtattardyń jáne depýtattyq birlestikterdiń zań shyǵarmashylyǵy qyzmetindegi rólin kúsheıtýge baǵyttalýy kerek dep sanaımyn. Máselen, Parlamentte kez-kelgen zań jobalaryn talqylaýlar barysynda barlyq saıası partııalar fraktsııalarynyń, depýtattyq toptardyń ustanymyn jarııalaý úshin olarǵa mindetti túrde sóz berilýi kerek», - dedi N. Nyǵmatýlın.  

Sonymen qatar, spıker Parlamenttiń aqparattyq ashyqtyq máselesine de meılinshe nazar aýdarylatynyn jetkizdi. Bul úshin Májilis pen Senattyń otyrystary onlaın rejıminde de taralatyn bolady. «Qos palatanyń depýtattary dıalog úshin qashanda ashyq, azamattyq qoǵam jáne BAQ-pen udaıy baılanys ornatýǵa múddeli. Depýtattar qoǵamdy alańdatatyn kez-kelgen taqyrypty, kez-kelgen suraqty talqylaýǵa daıyn. Biz osy arqyly ózimiz usynatyn zańdardyń mańyzyn qoǵamǵa jetkizip qana qoımaı, qoǵamnyń kóńil-kúıine de udaıy nazar aýdaratyn bolamyz», - dedi Májilis tóraǵasy.