Májilis spıkeri Úkimetten túsetin zań jobalarynyń sapasyn synǵa aldy

«Bitken iske synshy kóp» demekshi kez-kelgen jumys kemshiliksiz bolmaıdy. Degenmen, biz atqarylǵan jumystardyń tabystylyǵyn kórip qana qoımaı, kemshilikter men oryn alǵan olqylyqtardy da durys baǵalaýǵa tıispiz. Máselen, biz jyl saıyn Úkimetten kelip túsetin zań jobalarynyń sapasyn arttyrý qajettiligi týraly aıtyp kelemiz. Bul rette Úkimettiń zań shyǵarmashylyǵy jumysyn jetildirý jónindegi usynystarymyzdy tolyqqandy oryndamaǵanyn taǵy da aıtýǵa májbúrmiz», - dedi spıker.

Onyń sózine qaraǵanda, tórtinshi sessııa barysynda Úkimetten Májiliske kelip túsken zań jobalarynyń 70 paıyzy tirkelgenge deıin tolyqtyrylyp otyrǵan. Sonymen qatar, palata spıkeri Memleket basshysynyń tapsyrmalaryna qatysty Úkimet zań jobalaryn Májiliske usyný merzimin de buzyp otyrǵanyna nazar aýdartty. «Taldaý kórsetkenindeı, zań jobalaryndaǵy sapanyń tómen bolýyna birqatar sebepter áser etip otyr. Máselen, ázirleýshi salalyq mınıstrlikter tarapynan qujatta qamtylatyn máselelerge jetkilikti túrde kóńil bólinbeıdi, sol salalardaǵy qalyptasqan jaǵdaı jiti zerdelenbeıtinin de aıtýǵa bolady. Budan bólek, zań jobalaý barysynda yqtımal áleýmettik táýekelder durys baǵalanyp, durys boljanbaıdy, qoǵamdyq pikirdi esepke alynbaı, áleýetti kásibı qoǵamdastyqtardy zań shyǵarmashylyǵyna tartý jaǵy da kem túsip otyr», - dedi Májilis Tóraǵasy.