Májilis spıkeri Sankt-Peterborda birqatar ekijaqty kezdesý ótkizdi

SANKT-PETERBOR. QazAqparat - Sankt-Peterbor qalasynda ótken TMD Parlamentaralyq Assambleıa jáne UQShU Parlamenttik Assambleıasynyń sharalary aıasynda Májilis tóraǵasy Qabıbolla Jaqypov reseılik jáne pákistandyq áriptesterimen kezdesti.

Reseı Federaldy jıynynyń Memlekettik dýma tóraǵasy Sergeı Naryshkınmen ótken kezdesýlerdegi taqyryptardyń biri aımaqtyq turaqtylyqty nyǵaıtý máseleleri boldy.

S.Naryshkın Májilis spıkeriniń «A321» reseılik ushaǵynyń jolaýshylary men ekıpaj músheleriniń qaza tabýyna baılanysty kóńil aıtqanyna alǵys bildirdi.

Q. Jaqypov birlesip ortaq mindetterdi, sonyń ishinde halyqaralyq lańkestikke qarsy sharalardy atqarýda parlamentarııler arasyndaǵy ózara qatynasty nyǵaıtýdyń mańyzyn atap ótti.

Eske sala keteıik, 26-27 qarashada Sankt-Peterborda UQShU Parlamenttik Assambleıasynyń segizinshi plenarlyq otyrysy men TMD Parlamentaralyq Assambleıasynyń qyryq úshinshi plenarlyq otyrysy ótip jatyr.