Májilis spıkeri prezıdent saılaýynda daýys berdi

ASTANA. QazAqparat – QR Parlament Májilisiniń tóraǵasy Erlan Qoshanov kezekten tys prezıdent saılaýynda daýys berdi, dep habarlaıdy QazAqparat palatanyń baspasóz qyzmetine silteme jasap.

Spıker óz daýsyn Astanadaǵy «Qazaqstan temir joly» ulttyq kompanııasynyń ǵımaratynda ornalasqan №110 saılaý ýchaskesinde berdi.
«Biz barlyq óńirdi aralap keldik. Halyqtyń kóńil-kúıin kórdik. Saılaýǵa degen qyzyǵýshylyǵy joǵary. Memleketimizdiń bolashaǵy osy saılaýǵa baılanysty ekenin túsinedi. Sondyqtan búgin saılaý ýchaskelerine daýys berýshiler óte kóp keledi dep oılaımyn. Men elimizdiń bolashaǵy, turaqty damýy úshin daýys berdim», – dedi E.Qoshanov.

Foto:parlam.kz