Májilis spıkeri: Ómirdiń ózi Qazaqstan Parlamenti qyzmetiniń tıimdiligin tanytyp otyr

Búgin Astanada ótken «Qazaqstan Respýblıkasynyń Tuńǵysh Prezıdenti - Elbasy N. Nazarbaevtyń Qazaqstanda parlamentarızmniń qalyptasýyndaǵy róli» atty konferentsııa barysynda Májilis tóraǵasy Nurlan Nyǵmatýlın osylaı málim etti.

Sóz arasynda 1996 jyly alǵash ret kásibı Parlament aldynda Elbasynyń kótergen máselelerine toqtalǵan spıker Nurlan Nyǵmatýlın, ondaǵy aıtylǵandardyń áli de ózekti ekenin alǵa tartty.

«Birinshiden, tutastaı reformalardyń zańnamalyq toptamalarynda naqty keshendilik, ózara kelisimdilik bar. Ekinshiden, Parlamenttiń zań shyǵarýshylyq qyzmeti reformalar júrgizý men olardy tereńdetýdiń jalpy memlekettik strategııasynan týyndaıtyn nysanaly baǵdarǵa ıe. Bul turǵyda zań shyǵarýshylyq jumysynyń negizinde «Qazaqstan -2030» strategııasy, Údemeli ındýstrııalyq-ınnovatsııalyq damý baǵdarlamasy sekildi basqa da tujyrymdamalyq qujattar jatyr.  Úshinshiden, barlyq zań shyǵarý úderisi tutastaı jańartylyp otyrady. Tórtinshiden, árbir zań jobasy ony júzege asyrýdyń jan-jaqty, tııanaqty  tetikterimen qamtamsyz etilip keledi. Osylardy eskersek, ómirdiń ózi Qazaqstan Parlamenti modeli qyzmetiniń tıimdiligin tanytyp otyr», - dedi N. Nyǵmatýlın.