Májilis spıkeri bastaǵan depýtattar Astanada senbilikke qatysty
ASTANA. 21 sáýir. QazAqparat - Búgin QR Parlamenti Májilisiniń depýtattary palata spıkeri Nurlan Nyǵmatýlınniń basshylyǵymen jalpyqalalyq senbilikke qatysty.
Bas qalada ótip jatqan keń aýqymdy ekologııalyq aktsııa sheńberinde májilismender 200-den astam aǵash kóshetterin otyrǵyzdy. Bul kóshetter negizinen Astanada jańadan ashylatyn Botanıkalyq baqty qalyptastyratyn bolady. Shara barasynda Májilis tóraǵasy N. Nyǵmatýlın elordada egilgen árbir aǵashtyń bizdiń elimiz sekildi jyl saıyn ósip-órkendep, astanalyqtardyń kóz qýanyshyna aınalatynyna senim bildirdi.
Sáýir aıynda ótip jatqan dástúrli senbilikke úsh saıası partııalardyń Májilistegi fraktsııalarynyń músheleri men Qazaqstan halqy Assambleıasynyń depýtattary, sonymen qatar Májilis apparatynyń qyzmetkerleri, Parlamenttegi memlekettik qyzmetkerler, barlyǵyn qosqanda 300-ge tarta adam qatysty.
