Májilis ShYU memleketteriniń arasyndaǵy halyqaralyq aqparattyq qaýipsizdikti qamtamasyz etýge arnalǵan kelisimdi maquldady
áýirdiń 14-i. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda «Shanhaı yntymaqtastyq uıymyna múshe memleketterdiń úkimetteri arasyndaǵy halyqaralyq aqparattyq qaýipsizdikti qamtamasyz etý salasyndaǵy yntymaqtastyq týraly kelisimdi ratıfıkatsııalaý týraly» zań jobasy maquldandy,
dep habarlaıdy QazAqparat.
Qelisimge sáıkes taraptar yntymaqtastyqty iske asyra otyryp, halyqaralyq aqparattyq qaýipsizdikti qamtamasyz etý salasyndaǵy birqatar negizgi qaterlerdiń bolýyn qaperge alatyn bolady. Atap aıtqanda, bundaı qaterlerge aqparattyq qarýdy ázirleý jáne qoldaný, aqparattyq soǵysty daıyndaý jáne júrgizý, aqparattyq terrorızm, aqparattyq keńistiktegi ústem jaǵdaıdy basqa memleketterdiń múddeleri men qaýipsizdigine zalal keltiretindeı paıdalaný, basqa memleketterdiń qoǵamdyq-saıası jáne áleýmettik-ekonomıkalyq júıelerine, rýhanı, adamgershilik jáne mádenı ortalaryna zalal keltiretin aqparatty taratý sekildi qaterler jatqyzylady.
Kelisimge sáıkes, árbir Tarap óz memleketiniń aqparattyq resýrstaryn jáne asa mańyzdy qurylymdaryn zańǵa qaıshy keletin paıdalanýdan, ruqsatsyz aralasýdan, onyń ishinde olarǵa aqparattyq shabýyl jasaýdan qorǵaýǵa teń quqyly bolyp tabylady. Sondaı-aq, árbir Tarap basqa Tarapqa qatysty osyǵan uqsas is-áreketterdi júrgizbeıdi, qamtylǵan quqyqtardy júzege asyrý úshin basqa Taraptarǵa járdemdesetin bolady.
ShYU memleketteriniń úkimetteri arasyndaǵy bul kelisimge 2009 jyldyń maýsymynda Ekaterınbýrg qalasynda qol qoıylǵan. Májilis maquldaǵan zań jobasy Parlament Senatyna jiberiledi.
