Májilis sharýashylyq daýlardy qaraýdaǵy memlekettik bajǵa qatysty kelisimdi maquldady
ASTANA. 27 aqpan. QazAqparat - Búgin Parlament Májilisiniń jalpy otyrysynda palata depýtattary «1993 jylǵy 24 jeltoqsandaǵy Ártúrli memleketterdiń sharýashylyq júrgizýshi sýbektileri arasyndaǵy sharýashylyq daýlardy qaraý
kezindegi memlekettik bajdyń mólsheri men ony óndirip alý tártibi týraly kelisimge ózgerister engizý týraly hattamany ratıfıkatsııalaý týraly» zań jobasyn maquldady.
Hattamanyń maqsaty kelisimdi ýaǵdalasýshy taraptardyń sotaryna beriletin talap-aryzdar boıynsha memlektetik baj tóleý tártibin naqtylaıtyn normalarmen tolyqtyrý bolyp tabylady. Bul rette, múliktik sıpattaǵy daýlar boıynsha sot sheshimderin qaıta qaraý týraly aryzdan ótinish berýshiniń daý aıtylǵan somasy negizge alyna otyryp, memlekettik baj somasynyń 50 paıyzy mólsherinde baj alynýy belgilenedi.
Sot tórelik organdaryna memlektetik baj tóleý kezinde biryńǵaı aqshalaı balama retinde Reseı Federatsııasynyń rýbli qabyldanady. Memlekettik bajdy ózge valıýtamen tóleý sot ornalasqan memlekettiń zańnamasynda belgilengen jaǵdaılarda júzege asyrylady.
