Májilis saılaýyna oraı Ortalyq saılaý komıssııasynyń baspasóz ortalyǵy óz jumysyn bastady
ASTANA. QazAqparat - Búgin QR Ortalyq saılaý komıssııasy ǵımaratynda 20 naýryzda ótetin QR Parlamenti Májilisi men máslıhat depýtattarynyń saılaýyna oraı baspasóz ortalyǵy óz jumysyn bastady.
Ortalyq saılaý komıssııasynyń baspasóz hatshysy Venera Jeksembekovanyń aıtýynsha, ortalyq zamanaýı tehnıkamen, kompıýtermen jabdyqtalyp, ǵalamtorǵa qosylǵan. «Munyń barlyǵy buqaralyq aqparat quraldarynyń barynsha yńǵaıly jaǵdaıda jumys jasaýy úshin jasalǵan sharalar desek bolady. Osy múmkinshilikti paıdalana otyryp, barlyq BAQ ókilderin saılaý barysynda qoıan-qoltyq jumys isteýge shaqyramyz», - dedi ol.
Onyń atap ótýinshe, baspasóz ortalyǵy Ortalyq saılaý komıssııasynyń buqaralyq aqparat quraldarymen baılanysyn arttyryp, saılaý úderisiniń ashyqtyǵyn qamtamasyz etýge óz septigin tıgizetin bolady.
