Májilis saılaýyna degen saılaýshylardyń kóńil-kúıi 4 jyl burynǵy ahýaldan kóp ózgergen joq - Bolat Sultanov
ALMATY. 27 jeltoqsan. QazAqparat /Erlik Erjanuly/ - Saılaýshylardan qoldaý taba almaǵan keleshegi kúmándi keıbir saıası partııalar saılaýǵa boıkot jarııalaýy múmkin.
Bul jóninde búgin Almatyda ótip jatqan sarapshylardyń "Qazaqstanyń saıası partııalary: saılaýǵa arnalǵan kún tártibi" dep atalatyn dóńgelek ústel jıynynda sóz boldy.
QR Prezıdenti janyndaǵy Qazaqstannyń strategııalyq zertteýler ınstıtýtynyń dırektory Bolat Sultanovtyń aıtýynsha, Demokratııa ınstıtýty ǵylymı zerteý qaýymdastyǵy 23 jeltoqsanda Májilis saılaýyna qatysty 17-19 jeltoqsanda júrgizilgen áleýmettik zertteý qorytyndysymen tanystyrdy. Onda respondenterdiń 57,5 paıyzy mindetti túrde saılaýǵa qatysatyndaryn, al 12,2 paıyzy daýys berýge barýǵa yqylasty ekenin bildirgen. Onda saýalnamaǵa qatysýshylardyń 72 paıyzy - "Nur Otaǵa", 7,1 paıyzy - "Aq jolǵa", 2,2 paıyzy - JSDP-ǵa, 2,1 paıyzy - kommýnısterge, 1,8 paıyzy - "Ádiletke", 1,6 paıyzy - "Patrıottar", 1,5 paıyzy - "Aýyl", 0,1 paıyzy "Rýhanııatqa" daýys beretinderin bildirgen. Al Áleýmettik saıası sheshimder ınstıtýtynyń zertteýine qaraǵanda, saılaýshylardyń 67,2 paıyzy saılaýǵa qatysatynyn aıtqan. Olar "Nur Otanǵa" - 80,5 paıyz, " Aq jolǵa - 7 paıyz, JSDP-ǵa -2,4 paıyz, kommýnısterge - 2 paıyz, "Ádiletke" - 1,1 paıyz, "Patrıottarǵa" - 0,6 paıyz, "Aýylǵa" - 0,4 paıyz, "Rýhanııatqa" 0,1 paıyz daýys bergen.
"2007 jylǵy 18 tamyzdaǵy Májilis saıdaýynda "Nur Otanǵa" - 88,41 paıyz; "Aq jolǵa" - 3,9 paıyz, JSDP-ǵa - 4,54 paıyz; kommýnısterge - 1,29 paıyz, "Patrıottar" - 0,78 paıyz, "Aýyl" - 1,51 paıyz, "Rýhanııat" - 0,37 paıyz alǵan bolatyn. Bul sandar saılaýshylardyń 4 jyl burynǵy jáne qazirgi kóńil-kúıin kórsetedi. Endi zertteý nátıjesin kórgen soń daýys ala almaǵandar saılaýshylardy saılaýǵa kelmeýge shaqyryp, oǵan boıkot jarııalap ony búldirýge tyrysýy múmkin. Óıtkeni bBul partııalardyń keleshegi joq", - deıdi tarıh ǵylymynyń doktory, saıasattanýshy Bolat Qylyshbaıuly.
