Májilis saılaýyn jergilikti máslıhat saılaýymen qosa ótkizý usynyldy - N. Ábdirov
ASTANA. QazAqparat - Májilis saılaýyn jergilikti maslıhat saılaýymen qosa ótkizý usynylady. Búgin Májilistiń jalpy otyrysynda besinshi saılanǵan Parlamentti taratý jáne jańa saılaýdy taǵaıyndaý týraly QR Prezıdentiniń atyna joldanǵan Úndeýdi jarııalaǵan depýtat Nurlan Ábdirov osylaı málimdedi.
Búgingideı jaýapty kezeńde Májilistiń jańa saılaýy memlekettik baǵdarlamalardy júzege asyrý jaýapkershiliginiń belgili bir bóligin ózderine alýǵa daıarlyǵyn san ret málim etken partııalar úshin memleket qurylysynyń jańa kezeńindegi jańa Parlamentte ózin tıimdi kórsetýge taǵy bir saıası múmkindik beredi. Budan bólek, bıliktiń reformalar men daǵdarysqa qarsy sharalaryn barlyq deńgeıde úndestirý úshin biz Májilis saılaýyn jergilikti máslıhat saılaýymen qosa ótkizýdi usynamyz. Bul da álemdik daǵdarys jaǵdaıynda saılaý naýqanyn uzaq merzimge sozbaýǵa, saılaýdy uıymdastyrý men ótkizýge jumsalatyn bıýdjet shyǵystaryn edáýir qysqartýǵa múmkindik beredi», - dedi N. Ábdirov.
