Májilis saılaýy: Saıası partııalar ókilderiniń pikirsaıysy bastaldy

ASTANA. QazAqparat – Májilis saılaýyna qatysatyn 7 saıası partııa ókilderiniń arasynda pikirsaıys bastaldy. Pikirsaıys «Qazaqstan» Ulttyq arnasynyń tikeleı efırinde ótip jatyr, dep habarlaıdy QazAqparat tilshisi.

Oǵan «Amanat» partııasynan Elnur Beısenbaev, «Aýyl» halyqtyq demokratııalyq partııasynan Jıgýlı Daırabaev, Respublica partııasynan Syrymbek Taý, Qazaqstan Halyq partııasynan Ashat Asylbekov, «Baıtaq» jasyldar partııasynan Azamathan Ámirtaev, «Aq jol» demokratııalyq partııasynan Berik Dúısembınov, al Jalpyulttyq sotsıal-demokratııalyq partııasynan Nurlan Áýesbaev qatysyp jatyr.

Pikirsaıys 4 kezeń boıynsha ótedi. 1-kezeńge jalpy 14 mınýt berilgen. Osy ýaqyt ishinde ár partııa ókili ortaq suraqqa jaýap beredi.

33 mınýtqa sozylatyn 2-kezeńde partııa ókilderi bir-birine suraq qoıady. Suraq qoıýǵa 30 sekýnd, jaýap berýge 4 mınýt bólinedi.

3-kezeń uzaqtyǵy da 14 mınýtqa sozylady. Bul kezeńde de pikirsaıysqa qatysýshylarǵa ortaq suraq bolady.

Al, qorytyndy 7 mınýttyq 4-kezeńde ár partııa ókilderi 1 mınýttyń ishinde saılaýshylarǵa úndeý jasaıdy.

Esterińizge sala ketsek, 2023 jyldyń 19 qańtarynda Memleket basshysy Qasym-Jomart Toqaev Májilisi depýtattarynyń kezekten tys saılaýyn 19 naýryzǵa taǵaıyndaý týraly Jarlyqqa qol qoıdy.

Saıası dodaǵa elimizde tirkelgen barlyq saıası partııa qatysady. Elimizdiń Parlamenti Májilisi depýtattarynyń mandatyna úmitker saıası partııalardyń 7 tizimine 281 kandıdat engizilgen. Al, 29 saılaý okrýgi boıynsha Májilis depýtattyǵyna 435 kandıdat tirkelgen.