Májilis saılaýy: OSK 27 uıymdy ulttyq baıqaýshy retinde tirkeýden bas tartty
ASTANA. QazAqparat – Ortalyq saılaý komıssııasy aldaǵy Májilis saılaýyna 27 uıymdy ulttyq baıqaýshy retinde tirkeýden bas tartty. Bul týraly Ortalyq saılaý komıssııasynyń múshesi Anastasııa Şegortsova aıtty, dep habarlaıdy QazAqparat tilshisi.
Búgingi tańda 27 kommertsııalyq emes uıymdy akkredıtteýden bas tartyldy. Onyń ishinde 19-y fılıaldar bolyp sanalady. ıAǵnı, jeke zańdy tulǵa bolmaǵandyqtan akkredıtteý talap etilmeıdi. Onyń ishinde «Daýys» qoǵamdyq birlestiginiń 14 fılıaly, «Uly kósh» qoǵamdyq birlestiginiń 1 fılıaly bar. Sonymen qatar 8 uıymdy akkredıtteýden bas tartyldy. Onyń ishinde beseýiniń jarǵysynda saılaýdy baıqaý jónindegi qyzmet belgilenbegen. Bireýiniń qyzmeti toqtatylǵan. Taǵy biriniń ótinishi boıynsha qaraýsyz qaldyryldy. Taǵy biri zańdy tulǵa sanalmaıdy. Barlyǵy – 27», - dedi Anastatsııa Şegortsova OSK otyrysynda.
