Májilis saılaýy kúni Áleýmettik-saıası zertteýler ınstıtýty 41 myń saılaýshyǵa saýalnama júrgizedi

Bul týraly búgin elordada atalǵan ınstıtýttyń dırektory, saıası ǵylymdar doktory Aıgúl Sádýaqasova málim etti.

«Ekzıt-pýll» ádistemesine sáıkes ıntervıýer saılaý ýchaskesinen shyǵa beriste turady jáne daýys berip shyqqan salaýshylarǵa saýalnama júrgizedi. «Ekzıt-pýll» júrgizý «Qazaqstan Respýblıkasynyń Saılaý týraly» zańyn buzbaıdy. Atalǵan zańǵa sáıkes saılaý ótetin kúni saılaýshylarǵa saýalnama júrgizýge saılaý pýnktinen tys jerde ruqsat beriledi», - dedi ol.

Onyń atap ótýinshe, júrgizilgen saýalnama saılaýshylardyń erik-jigerine, sonymen qatar saılaý komıssııalarynyń jumysyna yqpal etpeıdi.

«Ekzıt-pýll» zertteýi elimizdiń barlyq oblystary men Astana jáne Almaty qalalaryndaǵy saılaý ýchaskeleriniń shekaralaryn eskere otyryp, irkteý ádisimen júrgiziledi. Іrikteýge qalalyq ta, aýyldyq ta saılaý ýchaskeleri kiredi. Jalpy respýbılka boıynsha barlyǵy 41 myń saılaýshyǵa saýalnama júrgiziledi», - dedi A.Sádýaqasova.