Májilis saılaýy kópultty Qazaqstan halqynyń birligin álemge taǵy da pash etti - Q. Toqaev
ASTANA. QazAqparat - Májilis saılaýy kópultty Qazaqstan halqynyń birligi men kemeldigin álemge taǵy da pash etti. Búgin Parlament Senatynyń jalpy otyrysynda palata Tóraǵasy Qasym-Jomart Toqaev osylaı dedi.
«Kúni keshe saılaýshylardyń joǵary azamattyq belsendligimen ótken Májilis depýtattarynyń saılaýy nátıjesinde «Nur Otan» partııasy halyqtyń basym bóliginiń senimine ıe boldy. Partııanyń jeńisi eń aldymen halqymyzdyń Elbasyna degen sheksiz senimi men búgingi reformalaryna kórsetken qoldaýyn bildiredi. Bul saılaý kópultty Qazaqstan halqynyń tatýlyǵyn, kemeldigin búkil álemge taǵy da pash etti», - dedi Q.Toqaev.
Sonymen qatar, spıker aldaǵy ýaqytta da senatorlar Májilistegi áriptesterimen birlese otyryp Elbasynyń aıqyndaǵan strategııalaryn zańamalyq qamtamasyz etýde jemisti jumystar atqaratynyna senim bildirdi.
«Qazaqstannyń táýelsiz damýynyń 25 jyly ishindegi Parlamenttiń árbir shaqyrylymy ýaqyt talabyna saı eldiń ekonomıkalyq jáne saıası órleýin qamtamasyz etýde óziniń mıssııasyn abyroımen atqaryp keledi. Parlamenttiń V shaqyrylymynyń depýtattary Elbasynyń strategııalyq reformalaryn zańnamalyq jaǵynan qajetti deńgeıde qamtamasyz etýge ózderiniń laıyqty úlesin qosty. Osy ýaqyt ishinde Parlament pen Úkimettiń birlesip atqarǵan tıimdi jumysy men ózara pármendi is-qımylynyń nátıjesinde 500-den astam zań qabyldandy», - dedi jıyn barysynda spıker Q. Toqaev.
