Májilis saılaýy: 12 mln-nan astam daýys berýshi tirkeldi
«QR Saılaý týraly zańǵa sáıkes jergilikti atqarýshy organdar saılaýshylar tizimin qalyptastyrýy tıis. Al aýmaqtyq saılaý komıssııasy akt boıynsha saılaýshylar tizimin ýaqtyly qabyldap, baqylaýda ustaý qajet. Saılaýshylar tizimi eki kúnniń ishinde elektrondy túrde Ortalyq saılaý komıssııasyna usynyldy. Ár saılaýshy jergilikti atqarýshy organda daýys berýshi retinde tirkelýge quqyly. Eger azamat saılaýǵa deıin 30 kúnniń ishinde turǵylyqty jerinde bolmaıtyn jaǵdaıda ózi bolatyn jerde tirkelip, saılaýǵa qatysa alady», – dedi Ortalyq saılaý komıssııasy tóraǵasynyń orynbasary Konstantın Petrov.
Onyń aıtýynsha, saılaýshylar tizimin jasaqtaýǵa qatysty 17 310 ótinish kelip túsken, nátıjesinde 48 001 azamat saılaýshy retinde tirkeldi.
«Saılaýshylar tizimin jasaý barysynda respýblıka boıynsha 12 032 550 daýys berýshi tirkeldi. 4 naýryzdan bastap qazaqstandyqtar ózin saılaýshylar tiziminde bar-joǵyn jáne durystyǵyn teksere alady», - deıdi ol.
Eske salaıyq, 19 naýryzda Májilis jáne máslıhattar depýtattarynyń saılaýy ótedi.
