Májilis saýda qyzmetin retteýge arnalǵan jobany birinshi oqylymda maquldady
ASTANA. Qazannyń 6-sy. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «QR keıbir zańnamalyq aktilerine saýda qyzmetin retteý máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldady.
Atalǵan zań jobasynyń negizgi maqsaty saýda qyzmetin retteý júıesin jetildirý, syrtqy saýda qyzmetinde elimizdiń ekonomıkalyq múddelerin qorǵaý jáne alǵa jyljytý bolyp tabylady. Sondaı-aq, zań jobasymen otandyq taýarlardy qoldaý jáne olardyń syrtqy naryqtarǵa jetýin qamtamasyz etý sharalary qarastyrylady. Іshki saýda baǵytynda zań jobasymen «Taýarlar ımporty kezinde ishki naryqty qorǵaý sharalary týraly», «Lıtsenzııalaý týraly», «Saýda qyzmetin retteý týraly» zańdarǵa tolyqtyrýlar engiziledi.
«Atap aıtqanda, áleýmettik mańyzy bar azyq-túlik taýarlaryna baǵany turaqtandyrý maqsatynda memleket tarapynan qoldanylatyn júıeli sharalar engiziledi. Azyq-túlik taýarlarynyń ósýi otyz kúntizbelik kún ishinde 30 paıyz nemese odan da kóp deńgeıde bolsa, álgi taýarlarǵa shekteýli baǵa kólemi 60 kúndik merzimge deıin memleket tarapynan qoldanylatyn bolady. Osyǵan baılanysty zań jobasynda Úkimetke áleýmettik máni bar azyq-túlik taýarlaryna shekteýli baǵalar mólsherin belgileý tártibin bekitý quzyreti beriledi. Sonymen birge, atalǵan taýarlardyń baǵasyna qatysty memlekettik baqylaý fýnktsııalary Aýyl sharýashylyǵy mınıstrliginiń quzyretine beriledi», - dedi Ekonomıkalyq damý jáne saýda mınıstri Janar Aıtjanova.
